Når livet danser og krangler – reiki, astrologi og heling gjennom motgang

Vi jaktar på desse lykkestundene. Sekund og minutt der endorfina kribblar i kroppen, og latteren ligg lett. Men kva med dagane imellom?

Kan du kjenne irritasjonen over alle dei som får det til – og ikkje du?

Vi scroller, vi følgjer. Desse appane der folk deler perfekte øyeblikk. 1 minutt med lykke… og hjernen vår trur dei har det slik heile dagen.

Eg la ut ein Reels på Instagram der eg lo og tulla med ein manifesteringsstokk. Den var 15 sekund lang. Veit du kor lenge folk har sett på den til saman? Over to døgn.

Tenk på det. Tenk om folk sitt timevis og ser på slike korte klipp? Kva gjer det med folkehelsa? Med nervene våre? Med kjenslene?

Er det lov å ha det vondt – utan å få ein diagnose?

Lat oss snakke sant om glede, tap og sorg. Kven ville du helst møtt – ein som ler og tullar heile tida? Eller ein som har vore nede i dei djupe dalane, og veit vegen opp igjen?

Eg ville valgt den siste. For djupna, erfaringa, den stille styrken.

Men det er eit men. Det er slitsamt å vere med menneske som ikkje har balanse – som blir for tunge eller for opphøgd. Vi treng begge deler, lys og mørke. Vi treng tryggleik og forståing.

Eg sat på legekontoret nyleg, og tårene pressa på då vi snakka om ein skade eg har i nakken. Legen gav meg papir, og eg fekk gråte. Fekk ut frustrasjonen. Etterpå kunne eg le igjen. Smile.

Eg kjende at ordet schizofren låg i lufta – som ein ubetydeleg kommentar: «Er du schizofren, eller?»

Eg skunda meg å forklare. Eg er ikkje schizofren. Men eg har utvikla ein sensitivitet gjennom reiki, healing og astrologi, som gjer at eg kan plukke opp tankar andre tenker – særleg når dei tenker hardt. Det har lært meg å stole på det som kjem.

Og kanskje redda det meg frå ein heil drøss med testar.

Reiki healing og system som ikkje held rom

Det må vere lov å ha vondt – utan at det skal pakkast inn i ei diagnose. Eg kjenner det på kroppen no. Men eg har også ti års erfaring som pedagogisk leiar i barnehage, og ti år som lærar i barneskule. Eg har sett korleis mangel på ressursar og rom for det unike har ført til at fleire og fleire barn må gå i takt.

Alle skal vere på same plass, same tid, same mål.

Men kva med dei som helst vil male? Som vil ligge på golvet, rulle rundt, kjenne energien frå universet? Kva med dei som blir stressa av å vere rundt tretti andre heile dagen?

Då reiki healing møtte nakken min

Då eg først fekk vite at nakken min var skada, visste eg ikkje kor eg skulle starte. Smertene sette seg ikkje berre i kroppen – men i tankane, i søvnen, i humøret. Eg prøvde alt, men det var først då eg byrja jobbe med reiki healing at noko verkeleg snudde.

Eg oppdaga korleis energien jobba djupare enn berre musklar og sener. Den jobba med minnet i kroppen, med det eg hadde bært på lenge. Gjennom både reikibehandling og eigentrening med reikimeditasjon, fekk eg forløyst gammal frykt – og etter kvart kom både bevegelighet og håp tilbake.

Dette var ikkje berre kropp – det var spirituell utvikling.

Kva skjer med oss når vi gløymer naturen?

Alvorleg talt: Kva trur vi menneske at vi er?

Vi tek frå naturen, tar oss til rette. Vi krev meir og meir. Og naturen gir og gir – men vi gløymer at alt er ein sirkel.

Plantane pustar inn det vi pustar ut. Skjelettet vårt er som steinen på bakken. Blodet vårt renn som elva. Og vinden vi pustar inn – den blir reinska av naturen for oss.

Vi er ein del av dette økosystemet. Ikkje ein uovervinnelig besservisser-ras som trur vi veit alt.

Healingkraft i naturen sin stillheit

Eg har gått lange turar i skogen etter ulykka. Ikkje for å trene, men for å høyre. Lukta av fuktig mose, lyden av vinden i bjørka – det gjorde noko med meg. Det var som om naturen viska: "Du høyrer heime her."

Der fann eg tilbake til healingkrafta i det enkle – og til ei djup, spirituell reise som ikkje trengte å forklarast. Ho berre var der.

Reiki, astrologi og innsikt frå livets djup

Eg har funne healingkraft og forståing i astrologien min – mitt indre kart. Der såg eg karma, gamle sår, gamle liv. Eg såg kvifor eg valde min familie, og kvifor eg måtte gjennom visse utfordringar.

Då eg fekk arbeidsulykka som skada nakken min, blei eg tvinga inn i eit nytt kapittel.

Gjennom reiki healing og reikienergi fekk eg innsikt, fred og retning. Det opna for ei spirituell reise eg aldri kunne planlagt – men som eg no ikkje ville vore forutan.

Du er ikkje aleine

Alle har sine dalar. Men dei mest spennande menneska eg møter, er dei som bær dalane sine med stoltheit. Som står stødig i seg sjølv – og held rom for andre med openheit og varme.

Har du kjent det slik? Har livet ditt snudd i ei retning du ikkje såg komme – og så fann du styrke i det likevel?

Del gjerne med meg. Eller bli med inn i mi verd av reikienergi, astrologi og djup livsvisdom. Kanskje finn du noko nytt i ditt eige kart.

Vil du utforske reikienergi og astrologi vidare?
Sjå meir om retreat, kurs og samtaler her:
www.Anijoa.no/reiki